Tuesday, 30 August 2016

هدف /٢

١: هدف فارس شوينيزم و فاشيزمى دير.
٢: هر گون ساباح يوخودان قالخديغيمدا بو هدف دن سونرا آيرى بير يانليش يولا گئتسم اوزومو قينيرام. سيزده اويله ائليب و سونوجون گورمه غين اونري يم.
٣: فارس شوينيزمى تك بير دولت دئيل، بو بير ائدولوژى دير، بو بير فاشيست ميلت سيمگه سى دير، اونون اوخول، اونورسيته، ايش، مولاخانالار، پارا و اعدام گوجو وار. پس بو هدفى إئنمك ده هر تورلو ائتيكه باغلى اولماماق اوز بير يوخارى ائتيكه باغلى اولماق دير.  
٤: بيزيم فارس شوينيزمينه اولان باغيميز هر گون گرك گوجسوزله نه، هر طورلو ايش گورولمه دير كى بيزيم باغ بو فاشيست ايدولوژى دن گوپسون.
٥: مولاخانلار، خصوصى له قم مولاخاناسى بيزيم وارليغا بير بويوك خطردير. بونون قاباغيندا دوشونجه لى و اوزون زامان پرسپكتيولى چاليشمالييق! مثلاً بير اقليت، شيعه خالقى سُنى اولماغين دستك وريلر، اونلارين رغمينه فارس شوينيزمينن قورتولماق ايچون ايلك اول گرك اونلارين دين و يا قم مولاخاناسيندان ياخانى قورتاراسان. البته بو دوستلار بونو نظرده آلميرلار كى بو ايش چوخ تهله كه لى دير و ممكوندور كى عوام خالق بيزه ترس تپكى گوستره و فارس شوينيزمى ده بو بهانه له باسقى گوجون چوخالدا، عربلرين چابالاري بو قونودا ياخشى سونوج لار وئرمئيب و همى ميلت ده ايكى جه ليخ ياراديب و ارتجاعى دينچى حركتلربن چوخالديب. البته آذربايجانا اوزل اولان شيعه ده تئورى سى ده وار كى مثلاً شريعت مدارى كيمى مولالارى ديكه لدخ فارس مولالارينين قاباغيندا، اما ايشكال بوردا كى بونلارا بير گارانتى يوخدو و حقيقتاً بونلارين ايپينه اوستونده اودون ييغماق اولماز و شريعت مدارى نين كئچميشى ده بونا بير شاهيدير. اما منجه دين پروسه سى ايراندا گوجسوزله نير و بيزده گره ك اوز گوجوموزو بو باسكولا قوياق بو فاكتورو هر نه واسطه له اولور اولسون اوزل حوزه يه يورودَوب و فارس فاشيسمى نين بو فاكتوردان قولانماغينين قاباغين آلاخ، بونون بير قازانجى دا وار كى جامعه سكولارلاشديقجا داها بيزيم انسانى ياشاماغا گوجوموز چوخالير. هر نه اولورسا اولسون و هر نه دين اولورسا اولسون بيز سونوندا سكولار بير توپلوم دا ياشاماغا محكوموخ. آرتيق ميللت ده دين باسقى سيندان بئزيب، تندير ايستى اولاندا چورك ياپاسان دئيرلر، بيزده بو تاريخى فرصتى قولانيب و اوزوموزه بير سكولار كيمليك قورمالييق، هر طورلو سياسى  ايسلام بيزيم گله جه غيميزه بير تهله كه دير و "آغراميان باشا دستمال باغلاما" اسكى دن دئيب لر. 
٦: بو كى آزربايجان دوزدور يا آذربايجان و يا كيم فدرال يا سول و توركچودور و كيم آذربايجانچى كيم غربى دير كيم شرقى، بو اساسدا اوز ايچيميزده نفرت كمپانياسى يورودمه اوشاق اويوندور! هدف فارس فاشيزمى دير و هر هدف اوندان سونرا سراب دير. 
٧: فارسى فاشيزمين نه فقط يومروقلا كى گرك قلم له وُراسان، اما لازيم اولورسا اَله گتيرديغين هر شئ له   اونو ورماق واجيب دير و بئش مين ده نه حاج ثوابى وار. اما بيزده مصلحته باخاريز، ائتيك بوردا لوكس بير اشيادير و بيزيم مصلحت هر نه ايجاب ائلرسه اونو ساؤنماليك، قالانى حيكايه! قالدى كى اينسانلارى چوخ گويه آپارماق ياخچى دئيل، اونلارين يئره گلمه لرين ده نظرده توتماليق، نه اولورسا چوخ حيزلى يئره گليرسه هم اونلارا ضررى اولار و همى بيزه! قالدى كى بو اويون بيزيم اوز باشيميزادا گله بيلر و خالقي لا نازيك داوراناق تا بيزله نازيك داورانيلسين.

سايقى لا : معصومه قربانى

No comments:

Post a Comment